Habang ako'y nagpapapalit ng "clucth disc" ng sasakyan nung sabado dun sa talyer ni Mang Toti, me napansin akong isang papel na nakapaskil sa isang dingding habang naghihintay. Medyo na-amuse ako kaya't minarapat kong kopyahin at ibahagi. Tinanung ko si Mang Toti kung sino me gawa nito...sabi nya, silang mga mekaniko...naniniwala ako dahil ugali kasi nilang mag-inom ng Tanduay o Emperador pagkatapos ng maghapong trabaho.
Sampung Utos para sa mga Tomador
- Huwag makulit habang umiinom.
- Huwag matakaw sa pulutan. Ito'y pangsapin lang at di panghapunan.
- Huwag patagalin ang baso sapagkat me naghihintay rin sa susunod na tagay...ika nga, "di baling magtagal sa suso, huwag lang sa baso".
- Huwag matutulog habang nag-iinom.
- Di basta umiinom o nakikiinom lang, bumili rin. Sa madaling salita, mag-ambag ka.
- Ilagay ang alak sa tiyan, huwag sa ulo.
- Huwag pakalasing, magtira ng pang-uwi.
- Huwag basta aalis habang nag-iinom, magpaalam naman.
- Siguraduhing sa bahay ang diretso pag-uwi.
- Huwag mananakit ng asawa, lambingin lamang ito at kung maari ay suhulan ng maski ano (halimbawa, pansit) para payagan ulit sa susunod na paalam sa pag-iinom.
Nagtataka si Mang Toti habang kinukopya ko ito, sabi ko'y ikakalat ko ito...malay mo baka makatulong pa ito sa iba. Nangingiting bumalik sya dun sa kanyang ginagawa.
No comments:
Post a Comment